الاسطورة ..........

أي بالله أخطوا والخطاء اللي جابهم عين الصواب
مبطي وأنا أشوف الطمع يكشف رداهم وأستره
مايملي عيون الحسود بهالزمن غير التراب
ومن لايتوب من الخطاء تحرم عليه المعذره
اللي من أولها خراب أكيد تاليها خراب
والبندق اللي ماتثور في هدفها تذعره
ودك اليوم ا نجاتك الغلطة من الناس القراب
الصاحب اللي ماكسبت محبته ماتخسره
مشكلتي أني ماعرفت أحسب لصدتهم حساب
جلطتهم صدري على ذكرى قصيد وحنجره
صوت يصول بمنبره واخطاب مامثله خطاب
والطيبة اللي زعزعت صوت الخطيب ومنبره
مافيه دمع صوبوه احبابي بوجهي وخاب
ولا زرق حزني على غالي ولا فج انحره
كل الذهاب اللي معي ذكرى من أصحاب الذهاب
واللي بقالي من عذاب أشرس طريقي واخطره
لأني تجنبت الغرق ..... عديت من فوق السحاب
لأن أكثر أصحابي ورق ..... ماشفت للطيب أثمره
والله ماحطيت بين الحقد والخوه حجاب
حتى غدوا ربعي يحدوني على الضيق وأشكره
البارحة ثارت علي رقاب وأوتني رقاب
البارحة ياثقل دم البارح ويا محقره
أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره
أثر المصايب ماتجيك الأمن الناس القراب
وبها الزمن حتى الرفيق اللي تثق فيه أحذره
لابارك الله في رفيق تزعله كلمة عتاب
ولا جمع الله الرجال اللي تفرقهم مره
عودت نفسي كل لليمه ركاب
مأصد عن وجهي طريق الا ليا جببت خبره
الصاحب اللي مايجي من صحبته غير العذاب
نذر علي ان ماهجرني وألا أنا اللي ب أهجره
من يفتح لفرقاي باب أفك له عشرين باب
واذا خوي مايقدر خوتي مااقدره
أن روحوا فأنا بري منهم ليوم الحساب
وان جرحوا قولوا لهم ماحركوا في أشعره
شفهم لهم حول السنة ولا خذوا مني جواب
أحسن دوا للي يحاول يستفزك تحقره
أنا جمعت أوراقهم بكتاب وأغلقت الكتاب
ياوقت لم اللي تلمه ونثر اللي تنثره
ماكنت أحاتيهم صغيير.... عاد أحاتيهم شباب
ان ماذخرني صاحبي لليوم الأسود ماأذخره
عقب اكتئاب البارحة ماعاد أنا أحمل أكتئاب
الطيب جرجرني وانا ماني بناقص جرجره
اللي يخاف من الظما يترك لنا طرد السراب
واللي ماهو بقد الظلام ووحشته لا يسهره
أنا تجرعت الظما لين أحترق وجهي وذاب
أنا كسرت بخاطري قبل الصداقة تكسره
أنا خسرت اللي غيابه غير عن كل الغياب
أنا غفرت العالم ماتستحق المغفره
أنا أكثر انسان تعلم من كثر ماأخطأ وصاب
أنا أخر لسان يتكلم في زمان الثرثره
أنا القصيد اللي فزع من دفتره مليون ناب
وأنا الوحيد اللي جمع مليون ناب بدفتره
جفني وجرحت السهر حيلي وهدته الصعاب
دمعي هدر ضحكي ندر عمري وضيعت أكثره
شيبت بعقول العرب ..... هيبت روس ماتهاب
جمهرت ناس عمرهم مايعرفون الجمهره
ماصرت ذيب الا لأن اللي حواليني ذياب
ماكنت أغيب الا لأن العفو عند المقدره
ترى حلاتك لاحملت لصاحبك كلمة اعتاب
ان مانطقت بها بوجهه ماتذمه بظهره
في هالزمن مايملي عيون الحسود الا التراب
والا الحظيظ.... الطلقة اللي ماتصيبه تذعره
ودك اليوم أن جاتك الغلطة من الناس القراب
الصاحب اللي ماكسبت محبته ماتخسره