اي نوع من الاطفال كنت؟؟

الأطفال أنواع عديدة
لكن لما كنت صغير اي نوع من الاطفال كنت ؟؟ ..
وبصرااحه




الطفل البريء

في البيت تلاقيه حبوووب وطبيعي 100 %
لكن مع دخوله المدرسة .. ( تنمحي ) شخصيته ..
فتكثر الاصابات في وجهه .. لأنه مايدافع عن نفسه ..



الطفل العنيد

يطبق نظام البيت بالعكس .. يسوي اللي براسه ..
مايخاف من الماما او البابا .. لو قلت له هذا خطر لاتقربه .. عناد فيك يسويه ..
ياكثر مايضرب في طفولته .. ومع ذلك عنيد مايغير رايه ..




الطفل الحنّان

يستخدم وسيلة الحنية لتلبية رغباته
له نغمه خاصه فيالبيت..
تلبى رغباته غصب عنك .. يعانون اهله من الصداع المستمر ..



الطفل المادي

هذا الطفل مايرد السلام الا ( بفلوس ) ..
تعامله مع اهل البيت .. مادي بحت ..

يستخدمونه لتوصيل طلبات المنزل .. ونقل الاشياء.. وكل شي بحسابه .



الطفل الفتّان

تلاقي عند هذا النوع جميع اخبار البيت ..
يلاقي المتعه فياذلال غيره بالفتنه عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة اليومية..






الطفل الدلوع
هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً ..
وياويلك لو لم تلبى لة طلبة


الطفل العله الممل

يزعجك بأسئلته الي ماتنتهي .. يستفسر من كل شي .. حتى لو عطست ..
قالك ليه عطست .. وليش عطست .. وازاى تكونت العطسه ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته .. لانك في الحقيقه تجهلها ..



الطفل الصايع

هذا الطفل مستحيل يجلس في البيت..
يعيش في الشارع اكثر من بيته .. خبره ودليل في كل ممر وطريق ..
يعرف طول الشارعبالسنتيمتر .. من الممكن ان يصبح اذا كبر مهندس طرق .
للضيوف او الاقارب ..
يتميز احياناً بقلة الذووق والوقاحة
يستانسون اهله على حكاياته .. فصيح جداً ..
ويلقط العبارات والمفردات بسرعة مذهله ..
يسبب احراج دائم لأهله .. يمكن يقول كلمة بالغلط ..
لاينصح بأستفزازه ابداً ..



الطفل اللزقه
تلقاه مسنتر عند بابالبيت .. محد يطلع الا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
ياكثر ماينضرب .. وخاصه من اخوانه اللي اكبر منه .. او خواته ..
لانه عباره عن رادار على طلعاتهم ..
احياناً يضطرون يطلعون من شباك البيتللهروب منه ..
ولكن للأسف يلاقونه بانتظارهم في السيارة ..ويسألهم ليش تأخرتواعليّ ..



الطفل الهادي

هذا الطفل ماله صوت ابد .. وين ماتحطه تلقاه ..
احياناًيهملونه اهله .. لانهم ناسينه ..
واحياناً يلقى اهتمام زائد من اهله ..
لويموت من الجوع ماتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات



الطفل القوي

اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال ..
يتقرب منه الكبار ويتوددون له حفاظاً على سلامة اطفالهم ..



اريد التفاعل مع الموضوع وبصدق
بس ليت ايام الطفوله تعود يوماً
هههههههههه
تحياتي
[b]

هههههههههههه العفو